Маңғыстауда облыстық жастар форумы өтті

06 ақпан, 2019, 12:51 1663
Маңғыстауда облыстық жастар форумы өтті

Биылғы жылы өңір жастарына арналған көптеген тың жобалар жүзеге асырылады.

Маңғыстауда "Жастар жылы - жаңа мүмкіндіктер" облыстық жастар форумы өтті. Шараға өз ісімен қоғамға пайда әкеліп, өзгелерге үлгі болып, белсенділік танытқан бір топ жастар қатысты, деп хабарлады облыстық әкімдіктің баспасөз қызметі.

Форумға қатысушылар өз жобаларын ұсынып, кейбірі бірлесіп жұмыс істеуге дайын екендерін айтты. Осы орайда облыстық жастар  тиісті мекемелермен бірлесе отырып 2019 жылға арналған жол картасы аясындағы 100 нақты шараны іске асыратын болады. 

"Жастар жылында аймақ жастарына қажетті және түсінікті шаралар қабылдауымыз қажет, олар 4 негізгі бағытты қамтуы тиіс, жастардың сапалы және қол жетімді білім алуы, жұмыс пен қамтылуы, тұрғын үй алуына мүмкіндіктер және отбасы құруына жағдай жасау. Биылдан бастап, жастардың сапалы білім алуы үшін облыс әкімінің арнайы гранттарының саны 150-ден 200-ге дейін артады. Атап айтқанда ағымдағы жылы "Диплом мен ауылға" бағдарламасы бойынша 221 жас ауылдық жерлерге тартылып, оларға көтерме ақы беріледі. "Жастар практикасы" жобасы арқылымыңнан аса жас жұмыс орындарына жолданып, одан әрі тұрақты жұмыспен қамту шаралары қабылданады. "Жасыл ел" бағдарламасы мен жаз айларында жұмыспен қамтылатын жастар саны 1500-ге жетпек. Жастар кәсіпкерлігін қолдау бағытында "Бастау бизнес" жобасы арқылы 800 жасты оқыту жоспарланған", - деді Ералы Тоғжанов.

Сонымен қатар,биылғы жылы өңір жастарын көптеген тың жобалар күтуде. Жастарға патриоттық тәрбие беру, оларды қоғамдық-мәдени ортаға тарту мақсатында 500-ге тарта түрлі деңгейде іс-шаралар ұйымдастырылады. Мәселен, 2 ірі халықаралық шара ұйымдастыру көзделіп отыр. Бірінші, тамыз айында Ақтау саммитінің 1 жылдығы аясында Маңғыстауға шекаралас мемлекет жастарының "Жастар достығы – 2019" форумы.

Маусым айында "Рухани жаңғыру" және "Ұлы даланың 7 қыры" мақалалары аясында "Өз тарихыңды танып біл" атты жастардың республикалық экспедициясы өткізіледі. Ауқымды экспедиция Маңғыстаудан бастау алып, одан әрі Атырау (Сарайшық, Исатай, Махамбет кесенелері), Орал (Бөкей орда), Ақтөбе (Қобыланды батыр кесенесі), Қызылорда, Ұлытау, Түркістан, Есік қорғаны, Астана қалаларын араламақ. Өңірдің жас ғалымдарын инвесторлармен таныстыру, оларды халықаралық көрмелерге қатыстыру және еңбегін таныту мақсатында және бір жоба қолға алынбақ. "Туған жер upgrade" Шерқала немесе Айрақты тауы етегінде өтетін көшпелі жастар кездесу-тренингі. Республика бойынша "100 жаңа есімге" енген, жетістікке жеткен тұлғалар шақырылады деп жоспарлануда.

Біздің Telegram-парақшамызда Қазақстанның маңызды жаңалықтары. Жазылыңыздар!

Маңғыстау облысы #жастар #Ералы Тоғжанов

Читайте также

Похожие новости