Мемлекет басшысы Қорғаныс министрін қабылдады

29 қазан, 2018, 18:13 2161 Астана
Мемлекет басшысы Қорғаныс министрін қабылдады

Нұрлан Ермекбаев  жауынгерлік дайындық деңгейін арттыру, армияны қару-жарақпен қамтамасыз ету мәселелері жөнінде баяндады.

Мемлекет басшысы Қорғаныс министрі Нұрлан Ермекбаевты қабылдады, деп хабарлайды BNews.kz Ақорданың ресми сайтына сілтеме жасап.

Кездесу барысында Қазақстан Президентіне еліміздің Қарулы Күштерінің қазіргі ахуалы, сондай-ақ оны одан әрі дамытудың басым бағыттары жөнінде мәлімделді.

Нұрлан Ермекбаев Мемлекет басшысына жауынгерлік дайындық деңгейін арттыру, армияны қару-жарақпен қамтамасыз ету және әскери қызметшілерді әлеуметтік қамсыздандыру мәселелерін шешу ісіне байланысты атқарылып жатқан шаралар жөнінде баяндады. Сонымен қатар, Қорғаныс министрі бітімгершілік миссия құрамындағы қазақстандық контингенттің қызметіне тоқталды.

Соңында Елбасы бірқатар нақты тапсырма берді.

Біздің Telegram-парақшамызда Қазақстанның маңызды жаңалықтары. Жазылыңыздар!



Читайте также


Ұқсас жаңалықтар