Назарбаев пен Мұхамедиұлы туризм мен спорт салаларын дамыту шараларын талқылады

Написать нам
15 қазан, 2018, 14:21 1749 Астана
Назарбаев пен Мұхамедиұлы туризм мен спорт салаларын дамыту шараларын талқылады

Мемлекет басшысы мен Мәдениет және спорт министрі "Кинематография туралы" заң жобасын талқылады. 

Нұрсұлтан Назарбаев Мәдениет және спорт министрі Арыстанбек Мұхамедиұлын қабылдады. Кездесу барысында министрлік қызметінің маңызды бағыттары, соның ішінде кинематографияға қатысты заңнаманы одан әрі жетілдіру және туризм мен спорт салаларын дамыту шаралары талқыланды, деп хабарлайды BNews.kz Ақорданың ресми сайтына сілтеме жасап.

Мәдениет және спорт министрінің мәліметіне сәйкес, қазіргі уақытта "Кинематография туралы" заң жобасы Парламенттің қарауында жатыр. Бұл заң жобасы ұлттық киноны қалыптастыру ісін қолдау тетіктерінің тиімділігін арттыруға, Қазақстанның фильмдерін, сондай-ақ шетелдің жетекші компанияларымен бірлесіп түсірген кино өнімдерін халықаралық нарыққа кең көлемде шығаруға бағытталған.

Сонымен қатар, Арыстанбек Мұхамедиұлы Мемлекет басшысына 2023 жылға дейінгі туризмді дамыту жөніндегі мемлекеттік бағдарламалардың әзірлену барысы және "Қазақстандықтардың әл-ауқатының өсуі: табыс пен тұрмыс салтын арттыру" атты жолдаудағы дене шынықтыру-сауықтыру кешендерін салуға қатысты тапсырманың орындалуы жөнінде баяндады.

Кездесу қорытындысы бойынша Қазақстан Президенті бірқатар нақты тапсырма берді.

Біздің Telegram-парақшамызда Қазақстанның маңызды жаңалықтары. Жазылыңыздар!



Читайте также


Ұқсас жаңалықтар