Назарбаев Тамара Дүйсенованы қызметінен босатты - Жаңалықтар | BNews

Назарбаев Тамара Дүйсенованы қызметінен босатты

09 ақпан, 19:10 1677
Назарбаев Тамара Дүйсенованы қызметінен босатты

Мемлекет басшысының Жарлығымен Тамара Босымбекқызы Дүйсенова ҚР Еңбек және халықты әлеуметтік қорғау министрі қызметінен босатылды, деп хабарлады Ақорданың баспасөз қызметі.

Мемлекет басшысының Жарлығымен Мәдина Ерасылқызы Әбілқасымова Қазақстан Республикасының Еңбек және халықты әлеуметтік қорғау министрі қызметіне тағайындалды.

Әбілқасымова Мәдина Ерасылқызы 1978 жылы 1 тамызда туған.

1999 жылы Қазақ Мемлекеттік Басқару Академиясын "халықаралық экономикалық қатынастар"  мамандығы бойынша бітірген.

2002 жылы Колумбия университетін халықаралық қатынастар магистрі дәрежесімен "экономикалық саясатты басқару" мамандығы бойынша бітірген.

2011 жылы Гарвард университетінің Кеннеди атындағы Мемлекеттік басқару мектебін "мемлекеттік басқару магистрі" мамандығы бойынша бітірген

Еңбек жолы:

1999 жылдан 2001 жылға дейін – Қазақстан Республикасының стратегиялық жоспарлау  агенттігінің бас маманы

2003 жылдан 2004 жылға дейін – Қазақстан Республикасының Экономика және бюджеттік жоспарлау министрлігінің стратегиялық жоспарлау басқармасының бастығы.

2004 жылдан 2006 жылға дейін – "Маркетингтік-талдамалық зерттеулер орталығы" АҚ мемлекеттік саясатты талдау департаментінің директоры.

2006 жылғы ақпаннан 2008 жылғы наурызға дейін – Қазақстан Республикасының Премьер-Министрі Кеңсесінің Әлеуметтік-экономикалық бөлім меңгерушісінің орынбасары.

2008 жылғы наурыздан 2011 жылғы қыркүйекке дейін – Қазақстан Республикасының Президент Әкімшілігінің Стратегиялық әзірлемелер және талдау орталығы меңгерушісінің орынбасары.

2011 жылғы қыркүйектен 2013 жылғы ақпанға дейін – Қазақстан Республикасының Экономикалық  даму және сауда вице-министрі.

2012 жылдан бастап Дүниежүзілік банктің Қазақстандағы басқарушысының орынбасары

2013 жылғы ақпаннан 2014 жылғы тамызға дейін – Қазақстан Республикасының Экономика және бюджеттік жоспарлау вице-министрі.

2014 жылғы тамыздан бастап – Қазақстан Республикасы Ұлттық экономика вице-министрі.

"Астанының 10 жылдығы", "Қазақстан Республикасының Тәуелсіздігіне 20 жыл", "Ерен еңбегі үшін", "Қазақстан халқы Ассамблеясына 20 жыл", ІІ дәрежелі "Еуразиялық экономикалық одағын құруға қосқан үлесі үшін", "ҚР тәуелсіздігне 25 жыл" медальдарымен марапатталған.

Біздің Telegram-парақшамызда Қазақстанның маңызды жаңалықтары. Жазылыңыздар!

Ұқсас жаңалықтар

`

Серіктестер жаңалықтары