Нығматулин Мемлекеттік Думаның спикері Володинмен кездесті

08 қазан, 2018, 10:27 1722
Нығматулин Мемлекеттік Думаның спикері Володинмен кездесті

Кездесу Түркияның Анталия қаласында "Экономикалық ынтымақтастық, қоршаған орта және Еуразиядағы орнықты даму" тақырыбында өтіп жатқан форум аясында орын алды.

Мәжіліс төрағасы Нұрлан Нығматулин Еуразия елдері парламенттері спикерлерінің үшінші жиналысы аясында Мемлекеттік Думаның спикері Вячеслав Володинмен кездесті, деп хабарлайды BNews.kz ҚР Парламенті Мәжілісінің баспасөз қызметіне сілтеме жасап.

Бүгін Анталияда (Түркия) "Экономикалық ынтымақтастық, қоршаған орта және Еуразиядағы орнықты даму" тақырыбына арналған форум басталды.

Кездесу барысында тараптар осы сұхбат алаңының маңыздылығын және әр жиын сайын қатысушы елдер мен адамдар санының артып келе жатқанын атап өтті. Биыл форумға әлемнің 40 елі мен 5 халықаралық ұйым қатысуда.

Нұрлан Нығматулин Қазақстан мен Ресей арасындағы қарым-қатынас туралы, Қазақстан Президенті Нұрсұлтан Назарбаев пен Ресей Президенті Владимир Путиннің достық және белсенді өзара іс-қимылына негізделген екі ел арасындағы қарым-қатынастың стратегиялық сипатына тоқталды.

Мәжіліс төрағасының пікірінше, бұл екі ел президенттерінің келісімдерін заңнамалық тұрғыдан қолдайтын қос мемлекеттің парламентінің жұмысына серпін береді.  

Нұрлан Нығматулин мен Вячеслав Володин Еуразия елдерінің парламенттері спикерлерінің үшінші жиналысына ұсынылған тақырыптың өзектілігіне назар аударды. Сонымен қатар, Қазақстан мен Ресей бірыңғай экономикалық кеңістікте орналасқанын алға тарта отырып, экология мен қоршаған ортаны қорғау мәселелерінің маңыздылығын да атап өтті.

Біздің Telegram-парақшамыздаҚазақстанның маңызды жаңалықтары. Жазылыңыздар!

#Нұрлан Нығматулин #форум #Түркия

Читайте также

Похожие новости