Нұрлан Ноғаев: Үй салғанда құрылыс мәдениетін сақтау керек

13 қараша, 2017, 18:16 1282 Атырау облысы
Нұрлан Ноғаев: Үй салғанда құрылыс мәдениетін сақтау керек

Аймақ басшысы Нұрлан Ноғаев облыс орталығындағы «Береке» тұрғын үй кешенінің құрылысын тексерді, деп хабарлайды BNews.kz.

Биыл мемлекет қаржысына жалпы ауданы 135,6 мың шаршы метр болатын 37 тұрғын үй, яғни 2007 пәтер құрылысы жүргізілді. Жалпы ауданы 109,8 мың шаршы метр 1617 пәтерлі 29 үй пайдалануға берілді, қалған 8 тұрғын үй құрылысы жыл аяғына дейін бітеді.

«Береке» тұрғын үй кешенін тексеру барысында Атырау облысының әкімі Нұрлан Ноғаев үй тұрғызу кезінде барлық қажетті жағдай есепке алынып, құрылыс мәдениеті сақталуы керектігін айтты.

«Мемлекеттік бағдарлама бойынша пәтер алған адам оған қалай жөндеу жүргізу керегін немесе құрылысшылардың кемшілігін қалай дұрыстауды ойламауы керек. Қабылдау-тапсыру актісі қосымша өзгертулер мен қайта түзетусіз, барлық жұмыстардың аяқталғанын көрсетеді, - деді қарамағындағыларға Нұрлан Ноғаев.

Аймақ басшысы тексеру қорытындысымен жауапты тұлғаларға нақты тапсырмалар берді.

Айта кету керек, 2018 жылы Атырау қаласындағы екі ықшамауданда («Береке», «Нұрсая») жалпы ауданы 234,5 мың шаршы метр, 4 638 пәтерлі 43 көп пәтерлі тұрғын үйдің құрылысын жүргізу үшін жобалау-сметалық құжаттама дайындау жүзеге асады.

Біздің Telegram-парақшамызда Қазақстанның маңызды жаңалықтары. Жазылыңыздар!



Читайте также


Ұқсас жаңалықтар