ОҚО-да ұлттық ойындар сайысы өтті

Әр ауыл, әр аудан мерекені кеңінен атап өтуде. Ұлыстың Ұлы күні мерекесіне орай, Арыс қаласының "Жастар ресурстық орталығы" КММ-нің ұйымдастыруымен ұлттық ойындарды дəріптеу мақсатында, көкпардан, аударыспақтан, асық атудан, қыз қуу жəне арқан тартудан жарыс өткізді, деп хабарлайды BNews.kz otyrar.kz-ке сілтеме жасап.

Көкпар ойыны аса тартысты өтті. Аударыспақ ойынына білекті, жүректі жігіттер шығып, өздерінің мықтылықтарын мойындатты. Асық атуда жас балалардан бастап, ересектерге дейін жарысқа түсті.  Жас балалар үшін ұлттық ойындарды жастайынан осылайша санасына сіңірудің тәрбиелік мәні бар. 

Аса қызықты өткен халықтық мерекеде ұлттық ойындардың көрігін қыздырған жарыс жеңімпаздары қала әкімінің алғыс хаттары және бағалы сыйлықтарымен марапатталды.