Осы жылы Жамбыл облысында 40 медициналық нысан салынады

18 қаңтар, 2019, 10:14 2514 Жамбыл облысы
Осы жылы Жамбыл облысында 40 медициналық нысан салынады

Қазіргі таңда саладағы құрылыс жұмыстары қарқынды жүргізілуде.

Жамбыл облысында 2019 жылы 40 медициналық  нысанның құрылысы жүргізіледі. Оның ішінде 1 дәрігерлік амбулатория, 7 фельдшерлік-амбулаториялық, 32 медициналық пункт бой көтереді, деп хабарлады ҚазАқпарат.

Былтыр өңірде 39  медициналық нысан пайдалануға берілген. Оның 29-ы мемлекеттік-жекешелік әріптестік аясында, 9-ы жергілікті бюджет есебінен салынса, 1-і сатып алынған. Бұл құрылыс жұмыстарына 1325,0 млн теңге бөлінген. Ал, биыл 40 нысан салынады деп көзделсе, 2020 жылы - 25 нысан құрылысының жүргізілуі жоспарлануда.  

"Қазіргі таңда саладағы құрылыс жұмыстары қарқынды жүргізілуде. Өткен жылы 6 денсаулық сақтау нысандарын күрделі жөндеуден өткізуге 111,5 миллион теңге көлемінде қаржы қарастырылып, игерілді. Онкологиялық диспансердің құрылысына республикалық бюджеттен 250,0 миллион теңге, жергілікті бюджеттен 4,5 миллион теңге қарастырылған. Диспансердің іске асырылу мерзімі 2018-2020 жылдарға белгіленген", - дейді облыстық денсаулық сақтау басқармасының басшысы Марат Жұманқұлов.

Ол өткен жылы өңірде ана өлімі 34,4 пайызға, нәресте өлімі 7,7 пайызға төмендегенін тілге тиек етті.  Айта кетейік, қазіргі таңда жалпы Жамбыл  облысы бойынша барлығы 396 медициналық ұйым жұмыс істейді. Оның ішінде 30 аурухана, 356 амбулаторлық емхана, 4 санаторий, 1 реабилитациялық орталық және тағы басқалар бар.     

Біздің Telegram-парақшамызда Қазақстанның маңызды жаңалықтары. Жазылыңыздар!



Читайте также


Ұқсас жаңалықтар