Өзбекстан президенті өзбек-қазақ ұлттық мәдени орталығына барды

4 Февраля, 2019, 19:54 1812
Өзбекстан президенті өзбек-қазақ ұлттық мәдени орталығына барды |  | BNews.kz

Шавкат Мирзиеев орталықтың ашылуы – бауырлас халықтар арасындағы байланыстарды нығайтуда маңызды рөл атқаратынын ерекше атап өтті.

Өзбекстан президенті Шавкат Мирзиеев Өзбекстандағы Жизақ облысы Мырзашөл ауданындағы өзбек-қазақ ұлттық мәдени орталығының қызметімен танысты, деп хабарлады assembly.kz.

Мырзашөлде тұратын отандастарымызға салт-дәстүрлерімізді сақтау және дамыту үшін барлық қажетті жағдайлар жасалған. Мәселен, мұнда Қазақ ұлттық театры ұйымдастырылған. Жақында театр ғимараты қайта жаңартылған. Ұлттық музыка, би, ән, бейнелеу өнері үйірмелерінің жұмыс істейді.

Өзбек-қазақ ұлттық мәдени орталығының құрылуы – екі халық арасындағы достықтың кезекті көрінісі болды. Орталықта мәдени байланыстарды күшейтуге, жастарды интернационалдық достық рухында тәрбиелеуге ерекше көңіл бөлінеді.

Президент театрды қалпына келтіру және өзбек-қазақ ұлттық мәдени орталығының ашылуы – бауырлас халықтар арасындағы байланыстарды нығайтуда маңызды рөл атқаратынын ерекше атап өтті. Мекеме шығармашылық, ағартушылық ұйымдарды, зиялы қауым өкілдерін және жастарды игілікті мақсаттар аясында біріктіруі тиіс деп атап өтті.

Рекомендуем
Димаш Құдайберген "The World's Best" шоуында америкалық тыңдармандарды таңдандырды 13934

Похожие новости