Польшаның жоғары оқу орындары қазақстандықтарға оқу гранттарын ұсынады - Жаңалықтар | BNews

Польшаның жоғары оқу орындары қазақстандықтарға оқу гранттарын ұсынады

10 наурыз, 17:59 2268 Астана
Польшаның жоғары оқу орындары қазақстандықтарға оқу гранттарын ұсынады

Құжаттарды қабылдау 2018 жылдың 13 сәуіріне дейін жүзеге асырылады.

Польша қазақстандықтарға бакалавриат, магистратура және докторантура бағдарламалары бойынша гранттар ұсынады, деп хабарлады "Халықаралық бағдарламалар орталығы" АҚ.

Білім гранттары Польша Үкіметі мен Қазақстан Үкіметі арасысындағы білім беру саласындағы ынтымақтастық туралы 2016 жылғы келісімге сәйкес жүзеге асырылады. Бакалавриат бойынша - 3 орын, магистратура - 4 орын және докторантура - 4 орын бөлінеді. Үміткерлер білім алардан бұрын поляк тілін бір жыл оқуы тиіс.

Келісім бойынша студент тегін оқиды, жоғары оқу орнының жатақханасында ақылы негізде тұра алады (шамамен 80 - 150 еуро), докторантура бағдарламасының студенттеріне шәкіртақы (шамамен 300 еуро) тағайындалады.

Факультеттер мен білім беру мекемелерінің тізімін nawa.gov.pl сайтынан білуге болады, сондай-ақ сауалнамаға қосымша құжаттар талап етіледі. Үміткер Астанадағы "Халықаралық бағдарламалар орталығы" АҚ кеңсесіне келіп талап етілетін құжаттар тізімі ұсынуы тиіс. Алайда соңғы шешімді поляк тарапы қабылдайды.

Ұқсас жаңалықтар