Сағынтаев инвестициялар тарту және салық саясаты жөнінде кеңес өткізді

12 шілде, 2018, 17:56 2994 Астана
Сағынтаев инвестициялар тарту және салық саясаты жөнінде кеңес өткізді

Кеңес барысында бірінші жарты жылдықтағы өсімнің негізгі көрсеткіштері және инвестициялар тарту, қорғаныс және аэроғарыш өнеркәсібі, салық саясаты, базалық индустрия секілді бағыттар бойынша одан әрі дамыту мәселелері талқыланды.

Бүгін Үкімет үйінде ҚР Премьер-министрі Бақытжан Сағынтаев Қазақстанның Үшінші жаңғыруын жобалық басқару аясында осыған дейін атқарылған жұмыстардың жай-күйі бойынша кеңес өткізді, деп хабарлайды BNews.kz primeminister.kz-ке сілтеме жасап.

Кеңес барысында бірінші жарты жылдықтағы өсімнің негізгі көрсеткіштері және инвестициялар тарту, қорғаныс және аэроғарыш өнеркәсібі, салық саясаты, базалық индустрия секілді бағыттар бойынша одан әрі дамыту қорлары талқыланды. Сондай-ақ, Ақмола облысы мен Алматы қаласы әкімдіктерінің жобалық басқару мәселелері қаралды.

Атап айтқанда, қорғаныс және аэроғарыш өнеркәсібі министрі Бейбіт Атамқұловтың жетекшілік етіп отырған саласының мәселелері, инвестициялар және даму министрі Жеңіс Қасымбектің инвестициялар тарту және базалық индустрияландыруды дамыту, сонымен қатар қаржы министрі Бақыт Сұлтановтың салықтарды жинауды арттыру бойынша ағымдағы жылдың алты айындағы мақсатты индикаторларға қол жеткізу бойынша есептері мен екінші жарты жылдыққа жоспарлары тыңдалды.

Ақмола облысының әкімі Мәлік Мырзалин мен Алматы қаласының әкімі Бауыржан Байбек көлік және логистика, АӨК, туризм, сауда, білім, денсаулық салалары, жаппай кәсіпкерлік, индустрияландыруды жүргізу, цифрландыру, инвестициялар тарту және нәтижелі жұмыспен қамтуды қамтамасыз ету бойынша қабылданған шаралар мен 2018 жылға жоспарлары туралы баяндады.

Біздің Telegram-парақшамызда Қазақстанның маңызды жаңалықтары. Жазылыңыздар!



Читайте также


Ұқсас жаңалықтар