Шерхан Мұртаза қайтыс болды

09 қазан, 2018, 19:42 2492
Шерхан Мұртаза қайтыс болды

Белгілі жазушы осы жылдың қыркүйек айында 86 жасқа толған еді.

Қазақстанның белгілі жазушысы, қоғам қайраткері Шерхан Мұртаза дүниеден озды, деп хабарлайды BNews.kz ҚазАқпаратқа сілтеме жасап.

Халқы "Шер-аға" деп білетін Шерхан Мұртаза қыркүйек айында  86 жасқа толған еді. Жазушының кіндік кескен жері - Жамбыл облысы Жуалы ауданы. Жазушы 1955 жылы М.В.Ломоносов атындағы Мәскеу мемлекеттік университетінің журналистика факультетін бітірген. Жастық шағында "Лениншіл жас" пен "Социалистік Қазақстан" газетінің тілшісі болып қызмет еткен. 1963-1970 жылдар аралығында "Лениншіл жас" газетінің редакторы қызметінде болған. Одан кейінгі кездері "Жазушы" баспасы мен "Жалын" альманахының, "Жұлдыз" журналының Бас редакторы, Қазақстан Жазушылар одағы басқармасының екінші хатшысы, "Қазақ әдебиеті" газетінің бас редакторы әрі Қазақстан Жазушылар Одағы басқармасының хатшысы қызметтерін атқарған.

Жазушының әр жылдары жазылған "Табылған теңіз", "Белгісіз солдаттың баласы", "Ахметжанның анты", "Мылтықсыз майдан" повестері, "41-жылғы келіншек", "Интернат наны" әңгімелері, "Қара маржан", "Жүрекке әжім түспейді", "Не жетпейді?", бес кітаптан тұратын "Қызыл жебе", "Ай мен Айша" романдары қазақ прозасына қосқан өшпес туынды болып қалары сөзсіз. 

Біздің Telegram-парақшамызда Қазақстанның маңызды жаңалықтары. Жазылыңыздар!



Читайте также


Ұқсас жаңалықтар