ШҚО-да өзен суы бөгеттен асып кетті

25 шілде, 2018, 11:36 1746 Шығыс Қазақстан облысы
ШҚО-да өзен суы бөгеттен асып кетті

Тасыған су жергілікті жолды шайып кеткен.

Шығыс Қазақстанның Күршім ауданында толассыз жаңбыр салдарынан өзен суы дамбыдан асып кетті, деп хабарлайды BNews.kz ҚазАқпаратқа сілтеме жасап. Өзен суы егіндікке жайылып, Қазақстан ауылына апаратын негізгі жолды шайып үлгерді. Кеше кештен бері оқиға орнында Күршім аудандық төтенше жағдай бөлімінің мамандары мен жергілікті әкімдік өкілдері жұмыс істеуде.

"Тасыған су елді мекендерге қауіп төндіре қойған жоқ. Бөгет пен ауылдың арасы 3 шақырым. Ауылдан 600 метр жерде суару каналы бар. Дамбының шлюздерін жапқан соң жағдай тұрақталды. Әзірге Қазақстан ауылының негізгі жолы жабық. Ел айналма жолмен қатынап жатыр" - дейді аудандық төтенше жағдай бөлімі басшысының міндетін атқарушы Бауыржан Оразғалиев.

Су алған жерлерді қалпына келтіру жұмыстарына жергілікті әкімдіктен 10 адам, төтенше жағдай қызметінен 6 адам тартылған. Боран ауылдық округіне қарасты Қазақстан ауылында 270 адам тұрады.  

Біздің Telegram-парақшамызда Қазақстанның маңызды жаңалықтары. Жазылыңыздар!



Читайте также


Ұқсас жаңалықтар