Синоптиктер бүгін елімізде жаңбыр мен бұршақ жауады деп болжауда

Атмосфералық фронттардың өтуіне байланысты республика бойынша кей жерлерде жаңбырмен бірге найзағай болады, бұршақ жаууы ықтимал, оңтүстікте түнде және таңертең дауыл, тек республиканың батысында, оңтүстігінде және шығыс бөлігінде ауа райы жауын-шашынсыз болады. Республиканың кей аймақтарында жел күшейіп, түнде және таңертең кей жерлерде тұман күтіледі, деп хабарлайды BNews.kz "Қазгидромет" РМК-ға сілтеме жасап.

Солтүстік-Қазақстан облысының кей жерлерінде жел 15-20 м/с, күндіз бұршақ жаууы мүмкін, түнде және таңертең кей жерлерде тұман күтіледі. Қарағанды облысының кей жерлерінде бұршақ жаууы мүмкін, күндіз желдің күші 15-20 м/с, түнде және таңертең тұман күтіледі. Таңертең және күндіз Қызылорда облысының кей жерлерінде дауыл, желдің күші 15-20 м/с. Жамбыл, Қостанай, Ақмола, күндіз Алматы облыстарының кей жерлерінде жел 15-20 м/с, Қостанай, күндіз Ақмола облыстарында бұршақ жаууы ықтимал.

Батыс-Қазақстан, Атырау, Ақтөбе, Қызылорда, Маңғыстау облыстараның басым бөлігінде, кей жерлерде Жамбыл, Алматы, Түркістан, Қарағанды, Шығыс-Қазақстан, Қостанай облыстарында қатты ыстық күтіледі.

Маңғыстау облысы, басым бөлігінде Қызылорда облысы, кей жерлерде Атырау, Батыс-Қазақстан, Ақтөбе, Түркістан облыстарының жоғары өрт қаупі сақталады.