Талғат Ешенқұлов ҚР Білім және ғылым вице-министрі лауазымынан босатылды - Жаңалықтар | BNews

Талғат Ешенқұлов ҚР Білім және ғылым вице-министрі лауазымынан босатылды

14 қыркүйек, 2018, 10:04 3717 Астана
Талғат Ешенқұлов ҚР Білім және ғылым вице-министрі лауазымынан босатылды

Ол ҚР Білім және ғылым саласындағы бақылау комитетінің төрағасы болып тағайындалды.

Қазақстан Республикасы Үкіметінің қаулысымен Талғат Ілиясұлы Ешенқұлов ҚР Білім және ғылым вице-министрі лауазымынан босатылып, ҚР Білім және ғылым министрінің бұйрығымен ҚР БҒМ Білім және ғылым саласындағы бақылау комитетінің төрағасы лауазымына тағайындалды, деп хабарлайды BNews.kz Премьер-министрдің ресми сайтына сілтеме жасап.

Талғат Ешенқұлов 1978 жылы Жамбыл облысында дүниеге келген. 1999 жылы М.Х. Дулати атындағы Тараз мемлекеттік университетін, 2000 жылы — "Қайнар" университетін, 2010 жылы — ҚР Президенті жанындағы Мемлекеттік басқару академиясын тәмамдаған. Экономист, заңгер, мемлекеттік және жергілікті басқару докторы (PhD).

Еңбек жолын 1997 жылы бастаған.

Жамбыл облысы Әділет басқармасында, Қаржы министрлігінде, Білім және ғылым министрлігінде, Жоғарғы Кеңесте, Қоршаған ортаны қорғау министрлігінде, ҚР Есеп комитетінде әртүрлі лауазымдарды атқарған.

Біздің Telegram-парақшамызда Қазақстанның маңызды жаңалықтары. Жазылыңыздар!



Читайте также


Ұқсас жаңалықтар