Түркістан облысының лагерлерінде 15 мыңнан астам бала сауықтырылды - Жаңалықтар | BNews

Түркістан облысының лагерлерінде 15 мыңнан астам бала сауықтырылды

23 шілде, 12:58 1711 Түркістан облысы
Түркістан облысының лагерлерінде 15 мыңнан астам бала сауықтырылды

Түркістандық оқушылардың 95 пайызы демалыспен қамтылған.

Түркістан облысында жазғы кезеңде балалар мен жасөспірімдердің демалысын және сауықтырылуын тиімді ұйымдастыру мақсатында қала сыртында 24 лагерь мен 905 мектеп жанындағы лагерь жұмыс жасауда, деп хабарлайды BNews.kz облыс әкімінің баспасөз қызметіне сілтеме жасап.

Бүгінгі таңда 4 ауысыммен баланы қабылдап жатқан қала сыртындағы лагерлерде 15 мыңнан астам бала сауықтырылды. Ал 17 мыңға жуық бала шілде, тамыз айларында аталған лагерлерде демалдыру жоспарланған. Бұдан бөлек, 905 мектеп жанындағы лагерде 193 мыңнан астам оқушы жазғы уақытын тиімді өткізген. Бұл өңірдегі оқушылардың 32,2 пайызын құрайды.      

Сонымен қатар, Түлкібас ауданындағы "Самал" лагерінде облыстағы  бес балалар үйінің  350-ге жуық тәрбиеленушілері жаз бойы демалады.

Бұған қоса, жаз бойы балаларды экскурсия, саяхатқа апару жұмысы жалғасын табуда. Мәселен, республикалық өлкетану акциясы аясында 200 бала маусым, шілде айларында "Астана – менің Отанымның елордасы" атты әлеуметтік жоба  негізінде Астана қаласына саяхатқа жіберілді. Ал, туған елдің мәдениеті мен тарихын неғұрлым терең зерделеу, тарихи орындардың алуан түрлілігі мен ерекшеліктері туралы білім алу мақсатында шілде айының  2-9 аралығында облыстан 70 оқушы Қостанай облысы Арқалық қаласына саяхатқа барып қайтты. Сонымен қатар, өңірдің  тарихи мұражайларына саяхат жасау мақсатында "Облыс тарихы" атты үш күндік керуен-шеруі  акциясы өткізіліп, оған облыстың аз қамтылған отбасылардан шыққан 150 оқушы қатыстырылды.

Биылғы жаз мезгілінде оқушыларды барлық сауықтыру және демалыс шараларының түрлерімен қамту 95-ға пайызға жетпек.

Біздің Telegram-парақшамызда Қазақстанның маңызды жаңалықтары. Жазылыңыздар!

Ұқсас жаңалықтар

`

Серіктестер жаңалықтары