Түркістанда мемлекеттік қызмет мектебі ашылды

29 қазан, 2018, 15:35 2214
Түркістанда мемлекеттік қызмет мектебі ашылды

Оның мақсаты – мемлекеттік қызметке мықты, білімді, білікті, патриоттық сезімі жоғары жастарды тарту болып табылады.

ҚР Мемлекеттік қызмет істері және сыбайлас жемқорлыққа қарсы іс-қимыл Агенттігінің Түркістан облысы бойынша департаментінің бастамасымен Түркістан қаласында орналасқан Қ.А.Ясауи атындағы ХҚТУ-да Мемлекеттік қызмет мектебі ашылды, деп хабарлайды BNews.kz облыс әкімдігінің баспасөз қызметіне сілтеме жасап.

Кездесуде сөз алған ҚР Мемлекеттік қызмет істері және сыбайлас жемқорлыққа қарсы іс-қимыл агенттігінің Түркістан облысы бойынша департаментінің басшысы Ғ.Тұрсынбаев елдің кемел болашағы жастармен байланысты екенін айтты.   Ол Елбасының биылғы  "2019 жыл – Жастар жылы" деп жарияланғанын тілге тиек етті.

Мемлекеттік қызмет мектебінің мақсаты – мемлекеттік қызметке ең мықты, білімді, білікті, патриоттық сезімі жоғары жастарды тарта отырып, Агенттік тарапынан заң аясында қолдау көрсетіп, оларды мемлекеттік қызметке орналастыруға ықпал жасау.

Университет Президенті Болатбек Серікбайұлы Агенттік тарапынан  студенттерді қолдау бағытында жүргізіліп жатқан жұмыстарға ризашылығын білдіріп, оқу орны тарапынан аталған мектепке ең лайықты студенттер іріктелгенін атап өтті.

Мемлекеттік қызметшілер мектебінің ашылу рәсімінен кейін университет президенті мен Департамент басшысы өзара ынтымақтастық туралы меморандумға қол қойды.

Біздің Telegram-парақшамызда Қазақстанның маңызды жаңалықтары. Жазылыңыздар!

Түркістан облысы #мемлекеттік қызмет #жемқорлық

Читайте также

Похожие новости