Уақытша тіркеу мерзімін SMS арқылы ұзартуға болады - Жаңалықтар | BNews

Уақытша тіркеу мерзімін SMS арқылы ұзартуға болады

31 қаңтар, 11:25 933 Астана
Уақытша тіркеу мерзімін SMS арқылы ұзартуға болады

Бұл қызмет биыл ақпан айының соңына дейін іске қосылады.

Енді азаматтар тұрғылықты жері бойынша уақытша тіркеу мерзімін телефон хабарламасы арқылы ұзарта алады, деп хабарлайды BNews.kz "Азаматтарға арналған үкімет" мемлекеттік корпорациясының баспасөз қызметіне сілтеме жасап.

Мемлекеттік қызмет көрсетудің проактивті тәсілдерін кеңейту мақсатында жасалған жаңа сервиске сәйкес уақытша тіркелу мерзімінің аяқталуына бір күн қалғанда, азаматтың телефонына хабарлама келіп, мерзімді SMS арқылы ұзартуға болатыны туралы ескертіледі.

"Қызмет алушы тіркеуді ұзартуды қаласа, хабарламада көрсетілген кодты жолдау арқылы келісімін растауы тиіс. Сондай-ақ, пәтер иесіне де SMS-хабарлама жолданады. Нәтижесінде, деректер базасындағы меншік құқығы расталса, тұрғылықты жері бойынша уақытша тіркеу автоматты түрде ұзартылады", - деді "Азаматтарға арналған үкімет" мемлекеттік корпорациясының басқарма басшысы Абылайхан Оспанов.

Ескеретін жайт,  проактивті қызметті пайдалану үшін мобильді азаматтар базасына тіркелу, яғни азаматтың жеке сәйкестендіру нөміріне телефон нөмірін байланыстырып қою қажет. Мұны электрондық үкімет порталындағы жеке кабинетте немесе кез-келген Халыққа қызмет көрсету орталығында жүзеге асыруға болады.  

Біздің Telegram-парақшамызда Қазақстанның маңызды жаңалықтары. Жазылыңыздар!

Ұқсас жаңалықтар

`

Серіктестер жаңалықтары