Жансая Әбдімәлік Әлем чемпионатының ширек финалына шықты

16 қараша, 2018, 13:37 3298
Жансая Әбдімәлік Әлем чемпионатының ширек финалына шықты

Сайысқа әлемнің 29 елінен 64 үздік спортшы қатысуда.

3-23 қараша аралығында Ханты-Мансийскіде (Ресей) әйелдер арасында әлем чемпионаты өтуде. Жерлесіміз Жансая Әбдімәлік жарыстың ¼ финалына шықты, деп хабарлады BAQ.KZ Қазақстан шахмат федерациясының баспасөз қызметіне сілтеме жасап.

Бұған дейін Қазақстанның шахмат тарихында спортшылардың төртінші раундқа дейін жеткен жетістігі болған емес. Алғаш рет мұндай дәрежеге Жансая Әбдімәлік жетті.

"Ересектер арасында қатысып жатқан алғашқы чемпионатым. Маған оңай болмайтынын түсіндім. Себебі қарсыластарым – тәжірибелі, титулы көп спортшылар. Бұған дейін жасөспірімдер мен 20 жасқа дейінгілердің арасында әлем чемпионатында жеңгенмін", - деп бөлісті Жансая.

Ханты-Мансийскідегі "Угра" шахмат академиясына әлемнің 29 елінен 64 үздік спортшы Әлем чемпионы атануға жиналды. Жарыс нокаут-турнир жүйесі бойынша өтіп жатыр. Яғни, ойыншы бір рет жеңілсе, жарыстан шығып қалады. Әр раунд сайын қатысушылардың саны екі есе азая береді.

Біздің Telegram-парақшамызда Қазақстанның маңызды жаңалықтары. Жазылыңыздар!



Читайте также


Ұқсас жаңалықтар