Жеке кәсіпкерлер үшін медициналық сақтандыру жарнасының мөлшерлемесі қысқартылды

17 қаңтар, 2019, 17:07 2866
Жеке кәсіпкерлер үшін медициналық сақтандыру жарнасының мөлшерлемесі қысқартылды

Соңғы өзгерістер бойынша кәсіпкерлер 1,4 ең төменгі жалақының 5 пайызын аударуы тиіс.

Міндетті әлеуметтік медициналық сақтандыру заңына өзгерістер енгізілді. Ол бойынша жеке кәсіпкерлер төлейтін жарна мөлшерлемесі қысқартылды. Бұл туралы "Әлеуметтік медициналық сақтандыру қоры" КЕАҚ Алматы қалалық филиалы директоры Тілеухан Әбілдаев мәлімдеді, деп хабарлайды BNews.kz.

Оның айтуынша, заңның алдыңғы нұсқасы бойынша жеке кәсіпкерлер 2020 жылдан бастап Қорға ай сайын 2 ең төменгі жалақының (ЕТЖ) 5 пайызын аударуы тиіс болатын.

"Соңғы өзгерістер бойынша кәсіпкерлер 1,4 ең төменгі жалақының 5 пайызын аударуы тиіс. Ал, салықтық есеп тапсыруды тоқтатқан жеке кәсіпкерлер 1 төменгі жалақының 5 пайызын аударатын болады. Бұл санаттағылардың бәрі жарнаны 2020 жылдан бастап аударады", - деп түсіндірді Тілеухан Әбілдаев.

Естеріңізге сала кетсек, биыл МӘМС жарнасын тек жұмыс берушілер ғана төлейді. Олар төлейтін аударым сомасы жұмыскер табысының 1,5 пайызына тең. Сонымен қатар, жарна алынатын табыстың максималды мөлшері де қысқартылды. Бұрын 15 ең төменгі жалақыдан асқан табыстан жарна аударылмайтын болса, қазір бұл көрсеткіш 10 ЕТЖ дейін қысқартылды.

Біздің Telegram-парақшамызда Қазақстанның маңызды жаңалықтары. Жазылыңыздар!



Читайте также


Ұқсас жаңалықтар